Според тимот, ова може да ја трансформира грижата за милиони пациенти со остеоартритис – дегенеративно заболување на зглобовите што погодува повеќе од 500 милиони луѓе ширум светот.
Професорот Густаво Карнеиро изјави дека алатката ќе им помогне на клиничарите порано да ги идентификуваат пациентите со висок ризик и да ја персонализираат терапијата „на начини што претходно не беа практични“.
Системот е обучен на речиси 50.000 рендген-снимки од околу 5.000 пациенти, што е меѓу најголемите бази на податоци за остеоартритис. Универзитетот наведува дека АИ-то ги „надминува“ споредливите алатки – е девет пати побрзо и покомпактно.
Бидејќи остеоартритисот е водечка причина за инвалидитет кај постарите лица, истражувачите веруваат дека ваквиот пристап може да се примени и кај други хронични состојби – на пр., за предвидување оштетувања на белите дробови кај пушачи или следење на срцеви заболувања – што би овозможило навремена интервенција. Универзитетот бара партнерства за воведување на технологијата во реални клинички услови.
Извор: BBC
