Не мора да ги сакаме машините за да признаеме дека веќе живееме со нив.
Вештачката интелигенција повеќе не е футуристички концепт, туку секојдневие – во телефоните, на универзитетите, во политиката, па дури и во уметноста.
Таа пишува, слика, анализира, а некаде и одлучува. Понекогаш помага, понекогаш плаши. Но најмногу – не остава рамнодушни.
Во наредните недели Трн ќе ја отвори оваа тема низ различни призми: од универзитетските лаборатории и студентските семинари, преку модните и музичките студија, па сè до кабинетите каде што се пишуваат политичките програми и европските регулативи.
Нашата цел не е да ја славиме или да ја демонизираме технологијата, туку да ја разбереме – како културна, општествена и човечка појава.
Затоа, од денес започнуваме со серијалот „Вештачка интелигенција – Трн“.
Приказни, согледувања и гласови што ќе помогнат да се одговори на едно прашање: дали оваа нова интелигенција навистина ни служи — или нè обликува по свој терк?
