Најмалку 14 лица загинаа кога се урна рудник за злато во општината Ел Калао, на југот на Венецуела, по обилните врнежи кои го погодија регионот, изјавија во понеделникот претставници од итните служби.
Екипите од Националниот систем за управување со ризици соопштија дека спасувачките напори се во тек, а телата биле пронајдени во три одвоени рударски окна.
„Првата фаза на интервенција е испумпување на сите окна во секторот со цел намалување на нивото на водата, по што ќе следува проценка за продолжување на спасувачките активности,“ соопштија службите за итна интервенција преку објава на социјалните мрежи.
