Во Вевчани вечерва почнува традиционалниот карневал. Програмата почнува во 19.30 часот со концерт на „Пајак“, во 21 часот почнува концертот на „Ареа“, а во 23 на „Забрањено пушење“. Утре ќе се одржи традиционалната парада на маски низ Вевчани. Утревечер ќе настапат „Љубојна“, Наум Петрески, Оркестарот со зурли и тапани од Вевчани и на Перо Бели и Коки.
Карневалот завршува на 14 јануари каде со василичарско оро и палење на маските се става крај на карневалот. Вевчанскиот карневал е еден од најавтентичните симболи на нашето културно наследство, со над илјадагодишна традиција, а со тоа Вевчани е вистинска туристичка атракција со голем потенцијал за развој на туризмот.
Фото: Архива
