Театарот „Чекори“, утре, (сабота 22.11 2025) со почеток во 20 часот, во Makka bar, ќе ја изведе претставата „Ехо на заборавот“.
Делото е модерна трагедија во авторство на Ирем Генишел Бешкоска а играат Михаил Митевски Иван Делиманов Никола Кузманоски Јована Гаврилоска Никола Димевски Маја Ѓурчевска Валентин Видовиќ
Претставата е во режија на Маја Ѓурчевска, авторска музика и тон мајстор: Валентин Видовиќ, дизајн на светло и светло мајстор: Никола Димевски, дизајн на постер е Љубица Делиманова а за фотографијата задолжен е Славјан Стојанов.
Влезници по цена од 300 денари, ќе може да се набават на самиот влез, пред почеток на претставата.
Организаторите предупредуваат дека претставата е наменета за лица над 16 години, истата содржи сцени кои можат да бидат вознемирувачки како што се Физичко и емоционално насилство; Употреба на дрога, алкохол и пушење; Груб јазик; Ментално растројство
„Ехо на заборавот“ е модерна трагедија што ја истражува темата на менталното здравје, идентитетот и општествената стигма преку приказната на млад геј маж што живее со шизофренија.
