Според организаторите, годинава се очекува масовна посетеност и позитивни вибрации, со посебен акцент на традиционалните активности како сечењето на џиновската пастрмајлија и натпреварот во брзо јадење. Миро Кацаров, кој е дел од организацијата, најавува дека новата локација ќе донесе уште поголема енергија, бидејќи ќе биде поблиску до центарот на градот.
Музичкиот дел на манифестацијата вклучува настапи од познати имиња: петок вечерта ќе настапат Антонија Гиговска, Дани Димитровска, ФИС бенд, а ѕвезди на вечерта ќе бидат Лексингтон бенд. Во сабота, програмата продолжува со настапи од Дупер, Жаре бербер, Јордан Митев и Петар Грашо. Годинава за првпат ќе има и дневни забави, а на улицата ќе се постават традиционалните тезги со вкусни пастрмајлии и пијалоци.
Со овој богат и разнолик програм, „Пастрамалијада“ ќе понуди незаборавно доживување за сите посетители, без разлика на возраста.
