Рим го следи примерот на европските метрополи како Лондон, Брисел, Париз и Хелсинки, кои усвоија побавни и побезбедни улици.
Рим им се придружи на европските метрополи кои го намалија ограничувањето на брзината, со цел да се намали бројот на несреќи, како и загадувањето.
Ново ограничување на брзината од 30 километри на час во историскиот центар на градот стапи на сила денес, речиси преполовувајќи го претходното ограничување од 50 километри на час на улиците преполни со жители, туристи и автомобили.
„Овие улици одразуваат град изграден за автомобили кој повеќе не постои. Побавните брзини спасуваат животи“, рече градскиот секретар за транспорт Еугенио Патане. Тој истакна дека податоците покажуваат дека пребрзото возење игра улога во 7,5 проценти од градските сообраќајни несреќи.
Како што најави, новото ограничување ќе се спроведува постепено во текот на следните 30 дена за да можат возачите да се навикнат на него.
Рим го следи примерот на европските метрополи како Лондон, Брисел, Париз и Хелсинки, кои усвоија побавни и побезбедни улици.
„Некои луѓе возат многу брзо. Јас возам скутер и често ризикувам да ме удрат… подобро е да одам бавно“, рече жителка на Рим, Барбара Баратоло.
Болоња воведе ограничување од 2024 година.
Други беа скептични. Еден таксист ги критикуваше новите ограничувања на брзината.
„Мислам дека е премногу бавно. На некои места можеби е во ред, но на други е апсолутно смешно“, изјави тој.
Болоња забележа пад од 13 проценти во сообраќајните несреќи и намалување од 50 проценти во смртните случаи во годината откако воведе ограничување на брзината од 30 км/ч во јануари 2024 година, првиот голем град во земјата што го стори тоа.
Градоначалникот на Рим, Роберто Гвалтиери, инсталираше повеќе камери за брзина.
Врховниот суд на Италија во ноември пресуди дека луѓето што живеат во близина на преоптоварената римска обиколница имаат право на по 10.000 евра надомест за изложеност на прекумерна бучава и загадување.
Се очекува пониското ограничување на брзината да ги намали нивоата на бучава за околу два децибели во центарот на Рим, соопштија локалните власти.
