Најмалку 50 луѓе загинаа и милиони останаа без струја во југоисточниот дел на Соединетите држави како последица од моќниот ураган Хелен. Огромните дождови од ураганот Хелен ги оставија луѓето заглавени, без засолниште да чекаа спас. Ураганот Хелен помина низ брегот на Флорида како ураган од четврта категорија. Со брзина од 225 км на час, ураганот се движеше низ Џорџија, Каролина и Тенеси.
Западниот дел на Северна Каролина беше отсечена поради лизгање на земјиштето и поплавите кои принудија затворање на многу автопати.
Во Источен Тенеси десетици пациенти и персонал беа извлечени со хеликоптер од покривот на болницата во петокот. А спасувањето продолжи и во саботата во Северна Каролина, каде дел од градот Ешвил е под вода.
Невремето, сега посттропски циклон, се очекува да лебди над долината Тенеси во сабота и недела, соопшти Националниот центар за урагани.
Претседателот Џо Бајден во саботата го нарече уништувањето предизвикано од Хелен „огромно“ и рече дека неговата администрација е посветена да му помогне на огромниот дел од Југоисточниот дел погоден од бурата да се опорави.
Хелен е најсмртоносната тропска бура во Јужна Каролина откако ураганот Хуго уби 35 луѓе кога се појави на брегот северно од Чарлстон во 1989 година. Смртни случаи се пријавени и во Флорида, Џорџија, Северна Каролина и Вирџинија.
Според првичните проценки се очекува имотна штета од 15 до 26 милијарди долари.
