Третата сезона на хит серијата „Squid Game“ ќе има премиера на 27 јуни, објави Нетфликс.
Веста беше откриена на глобален настан за преглед на Нетфликс заедно со фрагмент од новата сезона.
Во него видовме сто натпреварувачи попрскани со крв како избираат црвени и сини топки од џиновски автомат и соодветно се делат во две групи. За која цел – не е откриено во снимката.
Речиси ништо не е откриено за заплетот на претстојната сезона, но се претпоставува дека тоа ќе ги следи настаните веднаш по завршувањето на седмата епизода од втората сезона.
Покрај официјалниот датум на премиера, Нетфликс ги објави и првите фотографии од третата сезона на серијата.
