Во редовниот преглед на членките на Конвенцијата против тортура, и израелски и палестински организаци за човекови права доставија потресни сведочења за состојбите во израелските центри за притвор. Според нивните извештаи, илјадници Палестинци биле приведени, често без пристап до адвокат или семејство, а многу семејства со месеци не знаеле дека нивните блиски се воопшто живи — што, според комитетот, претставува „присилно исчезнување“.
Комитетот остро реагира и на примената на Законот за незаконски борци, со кој, како што се наведува, се притвораат целосни групи Палестинци – меѓу кои деца, трудници и возрасни лица – без јасна правна основа и без судски надзор.
Но најтежок дел од извештајот се условите во притвор:
– лишување од храна и вода
– тешки тепања
– напади со кучиња
– електрошокови
– вештачко давење (waterboarding)
– сексуално насилство
– долготрaјно врзување, забрана за користење тоалет и принудно носење пелени
Комитетот оценува дека овие методи „претставуваат воени злосторства и злосторства против човештвото“. Уште подалеку, тие предупредуваат дека докази за „де факто политика на тортура“ може да претставуваат еден од елементите на геноцид според меѓународното право.
Израел, кој долго тврди дека ОН се пристрасни, засега нема официјален коментар на новите заклучоци. На самите сослушувања, амбасадорот Даниел Мерон ги нарече обвинувањата „дезинформации“, додавајќи дека Израел ги почитува меѓународните обврски „дури и во борбата со терористичка организација“.
Комитетот, меѓутоа, истакна две клучни точки:
- апсолутната забрана на тортура важи под сите околности,
- прекршувањата на една страна не ја оправдуваат другата страна да го прави истото.
Притисокот врз Израел расте. Пред само неколку дена, Канцеларијата за човекови права на ОН оцени дека убиството на двајца Палестинци на Западниот Брег од страна на израелски војници изгледа како „сведочено егзекутирање“, а ситуацијата во Газа – и покрај прекинот на огнот – останува катастрофална, со илјадници семејства во шатори, недостиг на храна и недоволен пристап на хуманитарни конвои.
Откритијата на комитетот само го продлабочуваат меѓународниот притисок врз израелските власти да спроведат независни истраги и да обезбедат одговорност – вклучувајќи ги, како што велат, и највисоките воени команданти.
Извор: Би-би-си
