Украински дрон на илјадници километри од линијата на фронтот погоди една од најпознатите кули во главниот град на Чеченија, Грозни.
Дронот удрил во облакодерот Грозни Сити рано утрово, при тоа предизвикувајќи силна експлозија што уништила повеќе катови од една од најпрепознатливите згради во регионот.
Снимките и фотографиите од местото на настанот покажуваат дека дронот удрил во облакодерот некаде околу 28-миот кат, разнесувајќи ја фасадата на повеќе катови.
Чеченските власти сè уште не дале соопштение. Во облакодерот се наоѓаат некои од најчувствителните институции во републиката, вклучувајќи го Советот за безбедност на Чеченија, Министерството за туризам, Државната комора за ревизија, регионалната изборна комисија, локалната канцеларија на Министерството за правда и канцелариите на партијата Обединета Русија и државната нафтена компанија Чеченнефтехимпром.
Ексиленова+ истакна дека зградата е веднаш до седиштето на ФСБ за Чеченија, кое можеби било примарна цел пред дронот да биде пренасочен, веројатно од руски системи за електронско војување.
