Украински напади со беспилотни летала предизвикале делумни прекини на електричната енергија и греењето во западната руска област Брајнска област, соопштија локалните власти, оценувајќи ги ударите како едни од најжестоките од почетокот на војната.
ГувернеротАлександар Богомас објави на Телеграм дека нападите врз енергетската инфраструктура оставиле пет општини и делови од градот Брјанск без струја и греење.
Нападот траел повеќе од 12 часа
Според неговите информации, нападот со дронови траел повеќе од 12 часа, при што биле соборени над 170 беспилотни летала.
Од почетокот на руската инвазија врз Украина во 2022 година, Москва повеќепати ја гаѓаше украинската енергетска инфраструктура со ракети и дронови. Како одговор, украинската армија ги засили нападите со беспилотни летала врз руска територија, често насочени кон постројки за преработка на нафта и гас.
Брјанската област се наоѓа во близина на украинската граница и е меѓу регионите што најчесто беа погодени од прекугранично гранатирање и напади со дронови од почетокот на конфликтот.
Засега нема официјални информации за евентуални жртви, додека службите работат на обновување на снабдувањето со електрична енергија и топлинска енергија.
