Оваа вест ја објави центарот за диви животни во Дарвин, каде Берт живее од 2008 година.
„Со голема тага ја објавуваме смртта на Берт, иконскиот крокодил, ѕвезда на австралиската класика Крокодил Данди“, објави центарот на Инстаграм, додавајќи дека Берт починал за време на викендот.
Не е невообичаено за морски крокодили да живеат повеќе од 70 години, особено во заробеништво, наведува Би-Би-Си.
„Крокодил Данди“ останува австралискиот филм со најголема заработка на сите времиња, со заработка од речиси 48 милиони долари. На тој филм беа снимени две продолженија: „Крокодил Данди II“ од 1988 година и „Крокодил Данди во Лос Анџелес“ од 2001 година.
Документарниот филм за снимањето на филмот се очекува да биде објавен следната година.
