Пoлициски патролни тимови се поставени пред домот на Бенедикт де Пертуис, судијата која вчера ја осуди лидерката на француската крајна десница, Марињ Ле Пен.
Според француските медиуми, судијата примила „голем број на пораки кои содржат јасно изразени лични закани“. Де Пертуис претседавала со тричлениот судски совет кој ја изрекол контроверзната пресуда против Ле Пен за злоупотреба на европски пари.
Ле Пен е осудена на четири години затвор, од кои две години условно. Покрај тоа, казнета е со 100.000 евра и ѝ е забрането учеството на изборите следните пет години. По осудата, сојузниците на Ле Пен низ цела Европа и од другата страна на Атлантикот ја осудиле одлуката на судот како недемократска.
Говорејќи на француската телевизија, Ле Пен порача дека де Пертуис донела „политичка одлука“ и го прекршила законот. Францускиот министер за правосудство, Жералд Дарманин, застана во одбрана на судиите. „Заканите упатени кон судиите на Парискиот суд се неприфатливи во демократијата и загрижувачки за независноста на судската власт“, изјави тој.
