Двајца пожарникари биле убиени од огнено оружје додека гаснеле пожар во северно Ајдахо, соопшти шерифот на округот Кутенај.
Во меѓувреме пронајдено е телото на трет маж, за кој полицијата верува дека е напаѓачот. До неговот тело имало огнено оружје.
Полицајците размениле оган со осомничениот, но не е јасно дали напаѓачот бил застрелан и убиен или извршил самоубиство. Мотивот за пукањето е непознат, а шерифот Ричард Норис не објави никакви детали за осомничениот, велејќи дека полицајците сè уште работат на идентификување на човекот.
Властите веруваат дека напаѓачот намерно го подметнал пожарот како дел од заседа.
Службениците на округот Кутенај рекоа дека во овој момент нема да ги објават идентитетите на двајцата пожарникари. „На нивните семејства ќе им биде потребна поддршка“, рече Норис. Тој истакна дека трет пожарникар од противпожарната служба „се бори за својот живот“.
Секретарката за внатрешна безбедност на САД, Кристи Ноем, била известена за пукањето, објави Еј-Би-Си Њуз. Пожарникарите биле повикани на местото на пожарот околу 13:12 часот по локално време, рече Норис, а биле повикани на местото на настанот околу 40 минути подоцна.
Видео снимките од местото на настанот покажаа чад како се издига од густо пошумената планинска падина, како и екипи за итни интервенции и повеќе амбулантни возила.
-Ова директен напад врз нашите храбри пожарникари, напиша гувернерот на Ајдахо, Бред Литл, на Твитер, повикувајќи ги жителите на Ајдахо да се молат за нив и нивните семејства додека се достапни повеќе информации.
Литл не даде дополнителни детали за тоа дали има други жртви или како се одвивал инцидентот.
