Судирот помеѓу полицијата и осомничениот се случил за време на операцијата спроведена од полициската станица Дудулу при окружниот полициски оддел Умраније за фаќање на 19-годишниот Јунус Емре Гечти, кој бил уапсен под сомнение за кражба на мотоцикл, а подоцна избегал.
При апсењето Гечти украл пиштол од еден од полицајците и пукал без нишанење, а од повредите починала полицајката Шејда Јилмаз, додека уште две лица се повредени.
Гечти, кој исто така бил ранет, првично избегал, но бил фатен од полицијата додека бегал.
Осомничениот бил обвинет дека имал криминално досие за прекршоци, вклучувајќи „намерна повреда, сексуално вознемирување, грабеж, кражба, материјална штета и сексуална злоупотреба на дете“, велат од полицијата.
Gencecik polis Şeyda Yılmaz’ı şehit eden şerefsiz siyah çöp poşeti ile hayvan aracına bindirildi.
— Engin Burukcu (@ebrkc_) September 23, 2024
Şehidimize Allah’tan rahmet, Emniyet Teşkilatımıza başsağlığı diliyorum. 🙏
#polis #sehit #şeydaYılmaz #polis pic.twitter.com/fCLlCDIlIX
Осомничениот од полициска станица во суд бил пренесен во возило на шелтер за животни и ставен во црна вреќа за ѓубре. До возилото Гечти го пренесуваа две полицајки.
Ваквото видео стана вирално во Турција и се споделува по социјалните мрежи, а постапката беше искритикувана од организациите за заштита на човековите права.
Адвокатот Вејсел Ок, копретседател на Здружението за студии за медиуми и право, на Х рече дека малтретирањето на една личност е неприфатливо, без разлика за какво кривично дело е обвинет. Тој рече дека ваквите дела не помагаат во спроведувањето на правдата, туку напротив ги злоупотребуваат чувствата на луѓето.
Пред да се појави видеото од спроведувањето на осомничениот, на социјалните мрежи во Турција граѓаните ја обвинуваат владејачката партија за убиството, прашувајќи зошто Гечти бил ослободен претходно.
