Апсењето е извршено во средата навечер во поширокиот регион на Париз. Според извештаите, мажот е осомничен дека бил присутен на местото на настанот во моментот кога грабежот се случил, пренесува Ројтерс.
Грабежот се случил на 19 октомври, во утринските часови, кога четворица маскирани напаѓачи влегле во прочуената Аполо галерија, дел од музејот каде се изложени француските кралски накити. Тие украле вреден накит за кој сè уште не е објавена официјална проценка на штетата.
Инцидентот го разоткри сериозниот пропуст во безбедносните мерки на најпосетениот музеј во светот, кој секојдневно привлекува илјадници посетители од целиот свет. Француските власти засега не откриваат дали е пронајден дел од украдениот накит, ниту колкумина од сторителите се сè уште во бегство.
Извор: N1info.rs
