Локалните власти од областа Самандаг во Хатај во Турција аплицирале во Гинесовата книга на рекорди да бидат внесени муралите кои се нацртани на крајбрежјето на овој град во должина од 515 метри.
На ѕидовите покрај морето во областа Самандаг нацртани се ликови од локални телевизиски јунаци, портрети од познати личности од светската кинематографија, ликови од цртани филмови и силуети на морски животни.
Муралите се нацрти на ѕид со должина од 515 метри и висина од 2 метри и 10 центиметри од страна на Бурџу Окар во период од девет месеци.
Ваквиот проект бил направен со цел да се подобри туризмот и на посетителите да им се понуди забавно и едукативно искуство со носталгични теми и слики од популарната култура, пренесува ТРТ Балкан.
