Еден од највпечатливите мурали, поставен на фасадата на ЦК „Марко Цепенков“ во Прилеп, го носи насловот „Правдината се танчи, но не се кинит“ и веќе стана симбол на борбата за заеднички вредности. Останатите три мурали се распоредени низ Скопје и Кичево, носејќи силна порака за заедништво и неопходноста од солидарност.
„Благодарни сме за ова признание кое ни е поттик за уште посилни и пообемни интервенции во јавниот простор. Нашата цел е уметноста да биде двигател на општествени промени“, изјавија од тимот на АКТО.
Овие четири дела, создадени со учество на уметници и активисти, претставуваат траен визуелен потсетник дека вистинските промени се постигнуваат само преку заедничка борба.
