Во недела, на 4 мај, се одржа 12-то издание на најголемата глобална хуманитарна трка, Wings for Life World Run, на која учествуваа вкупно 310.719 луѓе од 191 земја од целиот свет. Без разлика дали трчале, оделе или се возеле во инвалидска количка, сите тие придонесоа за истражување за лекување на повреди на ‘рбетниот столб.
Трката Wings For Life World Run се одржа истовремено во 170 земји, а светски победник во машка конкуренција беше Jo Fukuda, кој истрча рекордна дистанца од 71,67 километри. Ова е негова трета титула како светски победник на трката Wings For Life World Run. Во женска конкуренција најдобра беше Германката Esther Pfeiffer, која истрча 59,03 километри.
„Воодушевена сум од резултатите од Wings For Life World Run, кое претставува заедничка мисија, љубов и енергија од секој агол на светот. Заедно со 310.917 учесници кои ни се придружија од целиот свет, собравме 8,6 милиони евра за истражување за лекување на повреди на ‘рбетниот столб. Ви благодариме на сите што го направија овој ден толку посебен, без разлика дали одеа, трчаа, се возеа во инвалидска количка, волонтираа или нè бодреа. Вие сте срцето на ова движење. Заедно ќе најдеме лек за повреди на ‘рбетниот столб. Ви благодариме повторно и се гледаме на стартната линија на 10 мај 2026 година“, изјави Anita Gerhardter, директорка на фондацијата Wings For Life.
Низ целиот свет, учесниците трчаа поединечно користејќи ја апликацијата Wings for Life World Run App или заедно на еден од рекордните 452 App Run настани, одржани на прекрасни локации, вклучувајќи ги Тромсе (Норвешка), Мајами (САД), Панама Сити (Панама), Кејптаун (Јужна Африка), Мадрид (Шпанија), Лондон (Велика Британија), Дубаи (Обединети Арапски Емирати), Токио (Јапонија), Сиднеј (Австралија) и Рио де Жанеиро (Бразил). Други учествуваа на еден од седумте големи настани „Flagship Run“, кои се одржаа во Виена (Австрија), Минхен (Германија), Цуг (Швајцарија), Љубљана (Словенија), Задар (Хрватска), Познањ (Полска) и Бреда (Холандија).
“Catcher Car” (автомобилот што ги брка тркачите) на Flagship Run настанот во Виена го возеше двократната олимписка сноубординг шампионка, Anna Gasser, додека автомобилот во Познањ го возеше легендата во скијачки скокови, Adam Małysz. Во уникатното аудио искуство на апликацијата Wings for Life World Run, учесниците го слушаа познатиот „возач“ Virtual Catcher Car, кој ги бодреше учесниците на јазици што ги знаат. Меѓу тие познати имиња беа поранешниот скијач и победник на Dakar Rally, Luc Alphand, бадминтон сензацијата Tzu Ying Tai и Ricky Wilson, фронтменот на рок-групата Kaiser Chiefs.
Многу познати личности трчаа на трката Wings For Life World Run, вклучувајќи го глобалниот директор за фудбал во Red Bull, Jürgen Klopp (Германија), freestyle скијачката Eileen Gu (Кина), сурферката Carissa Moore (САД), атлетичарот Karsten Warholm (Норвешка), велосипедистот Fabio Wibmer (Австрија), триатлонката Lucy Charles-Barcay (Велика Британија), тенисерот Dominic Thiem (Австрија), гејмерот Masato Takahashi (Јапонија), рели возачот Sébastien Loeb (Франција), велосипедистот Tom Pidcock (Велика Британија), скејтерот Ryan Sheckler (САД), сурферите Björn Dunkerbeck (Данска) и Liam Dunkerbeck (Шпанија) и кануистката Jessica Fox (Австралија).
Иако трката беше возбудлива за сите учесници без оглед на нивото на физичка подготвеност, повторно беа напишани нови поглавја во светот на спортот. Fukuda демонстрираше легендарен перформанс и ја освои својата трета светска титула трчајќи рекордни 71,67 километри. Тој не само што го сруши рекордот на Tomoye Watanabe од 2024 година, туку го подобри за неверојатни 1,58 километри.
„Многу сум среќен бидејќи бев апсолутно решен да победам оваа година“, рече Fukuda.
Возбудливо беше и во женската конкуренција, каде Pfeifferстана првата светска победничка од Германија. Таа истрча 59,03 километри и стана втората жена што ја помина границата од 59 километри. Тоа беше магичен момент за неа, борејќи се жестоко во последните километри за да ја обезбеди победата и своето место во историјата. Нејзиниот сопруг Hendrik, исто така, ја заврши трката како победник на „Flagship Run“ во Минхен и беше петти во генералниот пласман.
„Првите километри беа навистина лесни, но по 30-от стана многу тешко бидејќи не трчав подолго од 25 километри за време на тренингот. На секој километар имаше многу луѓе што ме бодреа и поради тоа истрчав 59 километри“, рече Pfeiffer по победата.
Трката започна во исто време низ целиот свет (во 13:00 часот по наше време), а учесниците трчаа во различни услови. Најтопло беше во Дубаи, каде што беа измерени 41 степен, а најстудено беше во Стокхолм, само 6 степени.
Од првото издание на „Wings for Life World Run“ во 2014 година, вкупно 1.870.253 учесници собрале 60,53 милиони евра. Фондацијата Wings For Life поддржа 324 истражувачки проекти и клинички испитувања од своето основање во 2004 година.
Тринаесеттото издание на Wings for Life World Run ќе се одржи на 10 мај 2026 година.
Се гледаме!
(ПР)
