Во текот на зимските денови, сушењето на алиштата станува еден од најголемите домашни предизвици. Ниските температури, недостигот од сонце и зголемената влажност во затворен простор често резултираат со облека која се суши многу бавно и знае да добие непријатен мирис.
Но, со неколку едноставни трикови, процесот може да биде значително полесен, а алиштата ќе останат свежи и пријатни.
Проветрување и избегнување сушење на радијатор
Доколку сушите алишта дома, клучно е да овозможите постојано струење на воздухот. Проветрувајте неколку пати дневно, дури и кога времето е студено. Ова не само што ќе го забрза сушењето, туку и ќе спречи појава на мувла – чест проблем во зимските месеци.
Избегнувајте сушење директно на радијатор: топлината може да создаде дополнителна кондензација, да ја зголеми влагата во просторијата и да доведе до непријатна миризба или појава на бактерии.
Не ја преполнувајте сушарата
Кога сушите облека на сушара, важно е да оставите простор меѓу ткаенините. Колку повеќе воздух циркулира, толку побрзо алиштата ќе се исушат.
Преполнетата сушара не само што го забавува сушењето, туку создава и услови за развој на непријатни мириси.
Користете го сонцето кога ќе се појави
Иако е ретко, кога има сонце – искористете го максимално. Облеката можеби ќе смрзне на отворено, но кога ќе ја внесете на собна температура, ќе се исуши побрзо отколку да остане внатре во влажна средина.
Трик со пешкир за побрзо сушење во машина
Ако користите машина за сушење алишта, постои едноставен, но многу ефикасен трик: ставете еден сув памучен пешкир заедно со влажната облека.
Пешкирот ќе ја впие вишокот влага, со што ќе се намали времето потребно за сушење, а облеката ќе биде помека, понежна и ќе задржи убав мирис.
