Многумина мислат дека завесите може да се исперат само така што ќе се симнат од корнизата и ќе се стават во вода со детергент. Но, ако немате време или ви е напорен тој процес, постои многу полесно решение – завесите можат да се исчистат сосема добро и додека се закачени.
Ескоертите препорачуваат завесите да се освежат барем еднаш на три месеци, а уште почесто ако живеете во прашлива средина. Редовното одржување спречува појава на мувла, ги отстранува алергените и придонесува за почист воздух во домот.
Чистење со пареа
Еден од најкорисните начини за чистење завеси на самото место е употребата на парочистач. Врелата пареа ги отстранува нечистотиите, ја освежува ткаенината и ја дезинфицира, а истовремено ги исправува ситните набори.
СЕкспертите советуваат да се користи наставок за тапацирани површини и нежно да се поминува преку ткаенината. Без разлика дали користите рачен или поголем парочистач, ефектот е речиси ист – завесите изгледаат како да се испрани, и тоа без симнување.
Правосмукалка
Иако усисувањето најчесто се поврзува со подови, многу е корисно и за завеси. Со редовно усисивање се отстранува прашина, алергени, влакна од миленици и се спречува затемнување на материјалот.
Препораката е ова да се прави еднаш неделно.
Најдобар избор е правосмукалка со мек, четкест наставок, а рачните модели се особено практични бидејќи лесно ги достигнуваат сите делови од ткаенината, вклучително и подлабоките набори.
Алкохолен оцет
Во домови каде што се готви, се пуши или има миленици, завесите често впиваат мириси.
Алкохолниот оцет е едноставно и многу ефикасно решение за овој проблем. Тој дезинфицира, ги отстранува непријатните мириси и е безбеден за повеќето видови ткаенини.
Ставете малку оцет во шише со распрскувач, лесно испрскајте ги завесите и оставете ги да се исушат сами. За подолготраен ефект препорачливо е редовно проветрување и употреба на прочистувач на воздух.
Пред да одлучите да ги перете завесите во машина, проверете ја етикетата. Потенките материјали најчесто може да се перат, додека подебели, тешки или поставени завеси може да се деформираат или дури да ја оштетат машината.
Со овие три едноставни трикови – пареа, правосмукалка и алкохолен оцет – завесите можат да останат чисти и свежи без никакво симнување, а вашиот дом ќе изгледа уредно со минимален напор.
