Многу лекари се согласуваат дека редовната употреба на ферментирани млечни производи, кои содржат бактерии корисни за цревната микрофлора, е основа на здрав начин на живот и правилна исхрана. Сепак, не сите од нив имаат благотворен ефект врз човечкото тело.
Нутриционистите составија листа на ферментирани млечни производи кои се опасни за здравјето.
Јогурти со адитиви
Јогуртите со разни додатоци не се природно „млеко“, бидејќи содржат многу повеќе јаглехидрати од било кој друг ферментиран млечен производ. Поради неприродните адитиви и големата количина шеќер, која ја нарушува апсорпцијата на калциумот, овие производи повеќе спаѓаат во слатки отколку во млечни производи.
Млечни производи без масти
Иако повеќето луѓе ги користат затоа што мислат дека се нискокалорични и здрави, млечните производи со низок процент на масти всушност се сѐ само не тоа. Факт е дека во составот на таквите јогурти се додава скроб за да се постигне потребната конзистентност, а тој е калоричен колку што се и јаглехидратите. Проблемот лежи во тоа што „млекото“ без масти не го заситува телото, туку напротив, го стимулира апетитот со зголемување на нивото на шеќер во крвта.
Масна павлака
Павлаката со содржина на масти од 25-30 отсто е еден од производите што најтешко се сваруваат, ја нарушува работата на панкреасот и црниот дроб. Тоа сепак не значи дека треба целосно да се откажете од овој производ. За да избегнете проблеми со варењето и ризикот од развој на гастроинтестинални заболувања, доволно е да земете павлака со понизок процент на масти, од 10-15 отсто.
