Добрата вест е дека постојат природни средства со кои можете ефикасно да ги избркате пајаците од куќата, без употреба на агресивни хемикалии. Стручњакот за чистење Ана Луиз, популарна на TikTok со повеќе од еден милион следбеници, откри три брзи и лесни трикови.

1. Масло од нане околу прозорците

Направете спреј од мешавина на масло од нане и вода и испрскајте ги рамките на прозорците и вратите. Пајаците не го поднесуваат мирисот на нане, па ова е еден од најделотворните начини за да ги држите подалеку од домот.

2. Цимет во просториите

Поставете неколку стапчиња цимет низ куќата. Мирисот им е непријатен на пајаците, па ќе ја избегнуваат просторијата. Дополнителен плус е што циметот остава пријатна арома во вашиот дом.

3. Масло од портокал за подови

Додајте неколку капки масло од портокал во водата што ја користите за бришење на подовите. Ова не само што ги одбива пајаците, туку е ефикасно и против други инсекти.

Внимавајте ако имате миленичиња

Иако овие совети се природни и еколошки, експертите предупредуваат дека некои од состојките може да бидат токсични за миленичиња. Затоа, доколку имате куче или маче во домот, подобро избегнувајте вакви методи или консултирајте се со ветеринар.

Со овие едноставни трикови, вашиот дом може да стане отпорен на пајаци и други инсекти, а вие ќе уживате во почиста и побезбедна средина.