Белиот лотос е сатирична драмедија која ги следи посетителите и гостите на луксузниот синџир хотели и истражува теми како што се материјализмот и меѓучовечките односи. Првата сезона е сместена на Хаваи, втората на Сицилија, а третата сезона се одвива во Тајланд. Во секоја сезона, гледачите ги следат приказните на новите ликови, со исклучок на актерката Џенифер Кулиџ, која се појави во првите две сезони.
Дејството на третата сезона се врти околу семејството Ратлиф, кое дошло во Тајланд за да може ќерката на семејството да интервјуира будистички монах за нејзината теза и група поранешни пријатели од средно училиште кои сакаат повторно да се поврзат. Како и претходните сезони – се случува убиство, а полицијата се обидува да открие кој е убиецот.
И покрај тоа што на Макс е објавена само првата епизода од серијата, не недостигаат реакции. Улогата во серијата ја толкува Патрик Шварценегер, синот на Арнолд, кој се соблече уште во првите кадри. Ова предизвика конфузија кај гледачите. Исто така, гледачите заклучија дека постои потенцијална врска меѓу двајцата браќа, кои ги играат Патрик и Сем Нивола.
„Патрик Шварценегер, ти благодарам што си најморничавиот лик во серијата во првата епизода“, „Полудев по сцената во бањата со Патрик Шварценегер во ‘Белиот лотос’“, „Приказната за инцестот, задникот на Патрик Шварценегер и глумата во првата епизода“, „Геј инцестот во најава“, „Како серијава да развие лик од 0 до 100 во само еден час?!“ „Конечно без филтер“, „Ова ќе биде најлудата сезона досега“, се дел од коментарите.
Пред објавувањето на серијата, Патрик Шварценегер коментираше дека неговото семејство не знаело за голите сцени што ги снимал.
„Има неколку незгодни разговори во шоуто и сцени што е малку чудно да се гледаат со семејството“, рече тој. „Тие не знаат ништо за тоа што следува во серијата“, додаде тој.
Шварценегер рече дека иако ќе гледа епизоди со семејството во недела навечер, најверојатно ќе паузира од време на време. „Ќе има моменти кога ќе морам да одам во тоалет додека семејството ме гледа“, рече тој низ смеа. Од претстојните голи сцени, тој додаде: „Можеби нема да ја гледам таа епизода со моето семејство. Не знам, ќе видиме. Но, тие се навистина возбудени“.
