Американскиот претседател Доналд Трамп изјави дека верува дека украинскиот претседател Володимир Зеленски е подготвен да го отстапи Крим на Русија како дел од мировен договор, иако Киев претходно цврсто го одбиваше тој предлог.
Во меѓувреме, нападите на теренот не стивнуваат.
Рускиот министер за надворешни работи Сергеј Лавров изјави за CBS News дека Русија ќе продолжи да ги гаѓа објектите што ги користи украинската војска, како и странски борбени авиони и воени инструктори што ги испраќа Европа.
Руското Министерство за одбрана соопшти дека руските системи за противвоздушна одбрана уништиле вкупно 115 украински дронови за време на ноќта во четири различни региони, како и над Црното Море: 102 дрона оборени во Брјанската област, 9 над Крим, 2 во Курската област и 1 во Белгород и 1 над Црното Море.
