Документот беше потпишан за време на меѓународниот состанок на врвот на дваесетина светски лидери во египетското црноморско одморалиште Шарм ел-Шеик. Трамп по потпишувањето одржа говор. Порача дека ова е „ден за кој луѓето низ регионот и светот работеа, кон кој стремеа, се надеваа и се молеа“.
Зад него стоеја светските лидери
„Го постигнавме она за што сите велеа дека е невозможно, конечно имаме мир на Блискиот Исток. Толку е убаво да се види како се раѓа нов и прекрасен ден. А сега започнува обновата“, најави тој. Изрази „огромна благодарност до арапските и муслиманските народи“ кои, како што рече, „помогнаа овој неверојатен напредок да се оствари“.
Додека зборуваше, зад него стоеја други светски лидери, вклучително и италијанската премиерка Џорџа Мелони. Во еден момент тој се сврте кон неа и рече: „Имаме прекрасна млада жена. Ако ја употребите зборот ‘прекрасна’ во Соединетите Држави, тоа е крај на вашата политичка кариера.“
„Но јас ќе ризикувам. Каде е? Еве ја. Не ви пречи кога ви велат дека сте ‘прекрасни’? Бидејќи сте. Ви благодарам што дојдовте. Таа сакаше да биде овде и неверојатна е. Навистина ја почитуваат. Многу е успешна политичарка“, додаде Трамп.
Извор: Index.hr
