„Тие ни наплатуваат, ние ќе им наплатиме. Кој би можел да се лути?“, рече Трамп, најавувајќи дека САД ќе воведат царини во висина на „половина“ од она што другите земји го наплатуваат на Америка.
Трамп објасни дека царините нема да бидат целосно реципрочни, наведувајќи дека тоа би било „преостро“ за некои земји. Според графиконот што го покажа, Обединетото Кралство може да очекува царини од 10%, додека Европската унија ќе биде погодена со 20%.
Во својот говор, Трамп повторно остро ја критикуваше Кина и ЕУ, изјавувајќи: „Не’ ограбуваат. Тажно е да се гледа тоа. Жалосно.“
Дополнително, тој најави воведување на „минимална основна царина“ од 10% за увозот од сите земји, со цел „да се обнови американската економија“.
Привилегии за домашното производство
Трамп нагласи дека компаниите кои ќе произведуваат внатре во САД нема да плаќаат никакви царини. „Ако својот производ го правите овде, во Америка – нема царини“, објасни тој.
Тој очекува наскоро да почне да добива телефонски повици од „кралеви, кралици и амбасадори“, кои ќе бараат исклучоци од царините.
