Американскиот претседател Доналд Трамп изјави дека САД наскоро би можеле да постигнат договор со Cuba, но предупреди дека Вашингтон е подготвен и на други чекори доколку не се постигне договор.
„Куба исто така сака да постигне договор и мислам дека многу брзо или ќе постигнеме договор или ќе направиме што и да мораме“, им изјави Трамп на новинарите во претседателскиот авион Air Force One.
Тој додаде дека Куба е „пропадната држава“, но дека сепак постои можност за брз договор меѓу двете земји.
Изјавата доаѓа во момент кога односите меѓу Вашингтон и Havana остануваат напнати по години санкции, дипломатски тензии и спорови околу миграцијата и безбедноста.
Кубанскиот претседател Мигуел Дијаз – Канел во петокот изјави дека неговата земја започнала разговори со Соединетите Држави, додека островот се соочува со една од најтешките економски кризи во последните децении.
„Целта на овие разговори е преку дијалог да се најдат решенија за билатералните разлики меѓу нашите две држави“, изјави Дијас-Канел во обраќање емитувано на државната телевизија. Тој изрази надеж дека преговорите ќе помогнат двете долгогодишни ривалски земји да се оддалечат од конфронтацијата.
Во последните недели Трамп даде неколку остри изјави за Куба, наведувајќи дека земјата е на работ на колапс и дека сака да постигне договор со САД. Минатата недела тој дури изјави дека Куба би можела да биде предмет на „пријателско преземање“, а потоа додаде дека „можеби нема да биде толку пријателско“.
