Американскиот претседател Доналд Трамп изјави дека не верува оти Израел би употребил нуклеарно оружје против Иран, нагласувајќи дека таков сценарио „никогаш не би се случило“.
Изјавата доаѓа по коментари на неговиот советник Дејвид Сакс, кој во подкаст спомена можност за ескалација на конфликтот.
Одговарајќи на новинарско прашање, Трамп категорично изјави: „Израел тоа не би го направил. Израел никогаш не би го направил.“
Иако Израел никогаш официјално не потврдил дека поседува нуклеарно оружје, земјата со години води политика на намерна двосмисленост за да избегне дополнителни тензии околу својот нуклеарен програм.
Израелски политички претставници повеќепати истакнале дека земјата нема да биде првата на Блискиот Исток што ќе употреби нуклеарно оружје.
Сепак, според проценки на Меѓународниот институт за истражување на мирот во Стокхолм (SIPRI), Израел располага со околу 90 нуклеарни боеви глави.
Изјавата на Трамп доаѓа во време на зголемени тензии во регионот, додека меѓународната заедница внимателно го следи развојот на конфликтот.
