Американскиот претседател Доналд Трамп потврди дека САД извршиле удари врз Иран, во видео долго осум минути објавено на неговата социјална мрежа Truth Social и на X.
Во видеото, Трамп истакна дека САД започнале „големи борбени операции“ против Иран. Според него, „претечките активности“ на Техеран „директно го загрозуваат САД, нашите сили, базите во странство и нашите сојузници низ светот“.
„Веќе 47 години иранскиот режим скандира ‘Смрт на Америка’ и води континуирана кампања на крвопролевање“, рече Трамп, потсетувајќи на талачката криза во американската амбасада од 1979 и 1981 година, кога 66 талаци беа држани 444 дена.
Трамп најави дека САД ќе „уништат нивните проектили“ и „уништат нивна морнарица“, нагласувајќи дека се преземени мерки за да се избегнат жртви, но дека „Американците сепак можат да страдаат“.
До Иранската револуционерна гарда испрати порака да „положи оружје или ќе се соочи со сигурна смрт“.
Обраќајќи се до иранскиот народ, Трамп предупреди дека „бомбите ќе паѓаат секаде“ и дека „часот на вашата слобода е на прагот“, додавајќи: „Кога ќе завршиме, преземете ја вашата влада, ќе биде ваша“.
