Снегна лавина во неделата ја погоди групата од петмина скијачи во северниот регион Пиемонт, Италија. Тројца од нив ги загубија животите, соопштија спасувачките екипи.
Детали за несреќата
Лавината се одделила околу 12:30 часот на источната страна на врвот Пунта Валгранде, во Лепонтинските Алпи, на границата меѓу Италија и Швајцарија.
Тројцата скијачи кои загинаа биле повлечени со снежната маса стотици метри надолу по падината, на висина над 2.800 метри.
https://twitter.com/i/status/1878510176661033457
Предупредување за опасност од лавини
На височина над 2.100 метри било издадено предупредување за „значителна опасност од лавини,“ со ниво на опасност 3 од можни 5, што укажува на висок ризик.
Обид за спасување
Скијачите се движеле по патека што претходно била користена од други скијачи-алпинисти, кога огромната снежна маса се одделила. Двајца од групата биле само потргнати од лавината, додека тројцата несреќници биле повлечени околу 400 метри надолу.
И покрај брзата реакција и потрагата која веднаш ја започнале преживеаните и сведоците, за тројцата скијачи немало спас.
Интервенција на спасувачките служби
Хеликоптерите на Azienda Zero Piemonte и Gdf, заедно со техничари од Алпинистичкиот спасувачки тим и полицијата Sagf, пристигнале на местото на несреќата. Преживеаните двајца скијачи биле пренесени во болница. Тие немаат потешки повреди, но се во шок, пренесува L’Unione Sarda.
Почит кон загинатите
Еден од загинатите скијачи бил познат едриличар. Во септември 2022 година, тој ја освои титулата светски првак во категоријата Maxi Yacht Rolex Cup во водите на Порто Черво, а во периодот од 2004 до 2007 година бил дел од екипажот на „Mascalzone Latino“.
Трагичниот настан уште еднаш потсетува на важноста од почитување на предупредувањата за лавини и подготовката пред зимските спортови.
