Според официјалните информации, меѓу загинатите се и водич и лекар од Танзанија, пилот од Зимбабве, како и двајцата чешки државјани. Хеликоптерот се урнал во близина на кампот Барафу, една од последните станици пред искачувањето кон врвот на планината.
Танзаниската управа за цивилно воздухопловство соопшти дека несреќата се случила вчера, а локалните медиуми, повикувајќи се на полициски извори од регионот Килиманџаро, наведуваат дека леталото било ангажирано во мисија за медицинско спасување.
Според весникот Mwananchi, хеликоптерот се урнал на надморска височина од околу 4.700 метри. Планината Килиманџаро, која се издигнува на речиси 6.000 метри надморска височина, е највисокиот врв во Африка и една од најпопуларните туристички дестинации на континентот.
Извор: Index.hr
