„Можно е да се приближиме до рекордни вредности и да забележиме досега невидени температури, но националниот рекорд од 48 °C веројатно нема да биде надминат“, изјави синоптичарката Кристел Робер на синоќешната прес-конференција.
Температурни екстреми и движење на топлотниот бран
Викендов повеќе региони веќе забележале температури над 40 °C: во департманот Еро 42,2 °C, во Пиринеите-Ориентали 41,3 °C, а во Гар 40,9 °C. Топлотниот бран, кој започна во петок и зафати голем дел од југот на Франција, сега постепено се движи кон север.
Повеќето делови на земјата ќе бидат над 30 °C – околу 38 °C во централниот дел и 34 °C во париската област.
Топли ноќи и продолжување на бранoт
Според утринскиот билтен на Météo-France, топлотниот бран ќе трае најмалку до 15 август. Ноќите ќе бидат особено тешки, со високи температури – во Париз за наредната ноќ се прогнозираат над 20 °C.
Ова е втор топлотен бран во Франција ова лето, по периодот од 19 јуни до 4 јули, и воедно 51-ви забележан од 1947 година. Климaтологот Жан Жузел предупредува дека ризикот од топлотни бранови во Франција денес е двојно поголем отколку пред 30 години, како резултат на глобалното затоплување кое се бележи веќе четири децении.
Пожари и штети
Во јужниот регион Од, пожарникарите вчера успеале да стават под контрола најголемиот шумски пожар од 1947 година, кој однел еден живот и уништил десетици домови.
