Tomorrowland и Insomniac Events, матичната компанија на Electric Daisy Carnival (EDC), најавуваат голема соработка преку мистериозни објави на нивните официјални социјални мрежи.
На Instagram профилот на Tomorrowland е објавена слика од фестивалска сцена со логото на Insomniac Events осветлено над неа, а во описот стои мотото на брендот: „All Are Welcome Here“ („Сите се добредојдени тука“). На објавата на Insomniac е споделена слична фотографија од сцена на Tomorrowland, придружена со неговото познато мото: „Live Today, Love Tomorrow, Unite Forever“ („Живеј денес, сакај утре, обедини се засекогаш“).
На социјалните мрежи веќе се шират шпекулации, а една од најпопуларните теории е враќањето на TomorrowWorld, американската верзија на Tomorrowland. TomorrowWorld последен пат се одржа во 2015 година, но фестивалот заврши неславно поради силни бури кои го поплавија просторот и оставија илјадници посетители заглавени. Изданието за 2016 година беше откажано откако матичната компанија SFX Entertainment прогласи банкрот.
Tomorrowland лани беше прогласен за најдобар фестивал во светот според DJ Mag Top 100 Festivals, додека EDC Las Vegas се најде на второто место.
Извор: djmag.com
