Оваа функција се користи преку камерата „TikTok Story“, а од компанијата истакнуваат дека станува збор за „интелигентен алат за уредување“ кој е достапен за сите корисници, без разлика на нивното претходно искуство. Фотографиите добиваат движење, атмосфера и креативни ефекти само со текстуална команда – на пример: „оживеј ја оваа фотографија“.
Генерирањето трае неколку минути, додека видеото трае само неколку секунди, пренесува порталот The Verge.
Има и ограничувања – на пример, алатот не успеал да трансформира фотографија од мачка во аниме сцена, иако инструкцијата била јасна.
TikTok вели дека во системот се вклучени мерки за безбедност, како автоматизирана модерација на сликите, текстот и финалното видео пред да биде достапно за корисникот. Доколку видеото се објави како „Story“, се врши и финална безбедносна проверка.
Секој ваков видео-снимен материјал ќе биде обележан како генериран со вештачка интелигенција и ќе содржи C2PA метаподатоци за транспарентност.
