Користењето на филтри при правењето на видеа, врши притисок врз тинејџерите, со што се предизвикува тие да ја изгубат самодовербата и да ја зголемат анксиозноста, како и да имаат евентуални проблеми со менталното здравје. За да докажат дека прават нешто за безбедноста на своите најмлади корисници, големите платформи и социјални мрежи неодамна презентираа различни опции и новитети кои се насочени токму кон тоа – заштита на децата.
Инстаграм на тој начин претстави профил за тинејџери кој овозможува поголема родителска контрола врз профилите на малолетниците. На безбедноста на својата апликација работеше и Snap кој ја лансираше опцијата Family Center, а неодамна се зборуваше и за безбедносните мерки кои ги воведе Roblox, иако не се сите задоволни со тоа што го направија.
Мерки поврзани со заштита на младите корисници сега најавија од TikTok. Во наредните недели оваа мрежа има намера да им забрани на лицата под 18 години да користат филтри за убавина кои имаат негативно влијание врз тинејџерите, особено кај девојчињата. Имено, по користењето на вакви филтри кои дигитално им го разубавуваат лицето, некои млади имаат негативен поглед на нивниот реален изглед и мислат дека се поубави кога се филтрираат на овој начин.
Користењето на такви филтри врши притисок врз тинејџерите, предизвикувајќи ги да ја изгубат самодовербата и да ја зголемат анксиозноста, како и проблеми со менталното здравје. Со цел да се избегнат вакви ситуации во иднина, TikTok повеќе нема да дозволува малолетници да користат филтри како на пр „Болд гламур“, но употребата на некои филтри како во цртаните филмови каде на човечките лица се додаваат уши од зајаци или кучешки нос нема да биде забранета. Затоа TikTok најави дека дополнително ќе го подобри составот за блокирање на корисници кои се уште немаат 13 години.
Иако не им е дозволено да ја користат оваа мрежа, многумина едноставно ги заобиколуваат овие правила и се претставуваат како да се постари од 13 години. Промените што ги воведе TikTok, а претходно беа објавени од други платформи, се резултат на усвојувањето на построги прописи во Европската Унија.
