Тоа се луѓето со висока емоционална интелигенција. Тие не наметнуваат утеха, не ги игнорираат вашите емоции — напротив, навистина ве слушаат. А меѓу хороскопските знаци, неколку особено се истакнуваат по оваа способност.
Тие знаат кога да молчат, кога да се пошегуваат, кога да ве прегрнат и кога едноставно да бидат тука. Не им е туѓо сочувството — емпатични се, ненаметливи и интуитивно чувствуваат што ви е потребно. Еве ги знаците кои се издвојуваат по емоционалната интелигенција:
Риби
Рибите се познати по својата интуиција и сочувство. Иако често се доживуваат како сонувачи, кога станува збор за препознавање на туѓите емоции — ретко грешат. Тие ќе ве сослушаат без да ве прекинуваат, ќе ви дадат простор да бидете ранливи, а нивните зборови на утеха никогаш не звучат како празни фрази. Со нив, не мора ништо да објаснувате — тие едноставно чувствуваат.
Вага
Вагите имаат извонредна способност да ја прочитаат атмосферата во просторијата. Нивната потреба за хармонија ги води кон смирување на тензиите и создавање рамнотежа. Размислуваат пред да реагираат и тоа го нудат и на другите. Ниту судат, ниту се наметливи, но секогаш знаат што да кажат — дури и ако тоа е само тишина во вистинскиот момент.
Рак
Раковите се длабоко емпатични и емотивни. Кога ќе им се доверите, чувствувате дека навистина ве гледаат. Нивната емоционална интелигенција доаѓа од искрената желба да ги заштитат оние што ги сакаат. Тие не само што ќе ви кажат нешто утешно — тие ќе го почувствуваат тоа со вас. Затоа се рамо за плачење, но и искрени сорадосници на вашите среќни моменти.
Скорпија
Иако често се доживуваат како мистериозни и интензивни, Скорпиите имаат исклучително висока емоционална интелигенција — само што не ја покажуваат лесно. Тие веднаш чувствуваат кога нешто не е во ред, дури и кога вешто го криете. Не ги споделуваат своите чувства лесно, но знаат како да ве соочат со вашите — со острина, но и со разбирање. Кај нив нема утешни лаги, туку вистина со емпатија.
Јарец
Можеби неочекувано, но Јарците се тивко емоционално интелигентни. Не се драматични ниту импулсивни, но со сигурност знаат кога ви е потребна поддршка. Наместо зборови, тие ќе делуваат — ќе направат нешто конкретно за да ви помогнат. Нивната емпатија се изразува низ дела, што ја прави уште посилна и посмислена.
Извор: Index.hr
