Пејачката Тејлор Свифт заработува астрономски суми на нејзината последна турнеја „Ерас“. Таа е на пат да заработи повеќе од милијарда долари од турнејата.
Турнејата „Ерас“ е шестата концертна турнеја на музичката ѕвезда, откако таа не беше на турнеи за нејзините студиски албуми „Lover“, „Folklore“ и „Evermore“ поради пандемијата на КОВИД-19. Турнејата несомнено е глобален успех, распродадејќи многу концерти за неколку минути откако билетите беа пуштени во продажба.
И додека пејачката го завршува првиот дел од американската етапа на неверојатно успешната турнеја, таа стана првата што достигна 1 милијарда долари од продажба на билети, пишува Economic Times. Некои веруваат и дека турнејата всушност ќе достигне импресивен приход од 1,5 милијарди долари.
Најголемите обожаватели на пејачката плаќаат во просек по 245 долари за карта за нејзин концерт, што се проценува дека носи околу 13 милиони долари од вечер за Свифт. Успехот на турнејата е толку голем што извештајот на Wall Street Journal предвидува дека нејзината турнеја ќе ја засени прошталната турнеја на Елтон Џон во однос на бруто приходите од билети, производи и спонзорства.
Billboard, исто така, процени дека турнејата би заработила 590 милиони долари врз основа на оригиналните 52 датуми на турнејата низ САД. Сепак, турнејата сега е проширена за да вклучи концерти и во Латинска Америка, Азија, Австралија и Европа, сè до 2024 година. Турнејата досега има најмалку 106 концерти, што ќе и овозможи на Свифт да заработи уште повеќе.
Извор: Index.hr
