Пеjaчката Тамара Тодевска викендов донираше една епрувета крв и со тоа се запиша во Националниот регистар на доброволни дарители на коскена срцевина.
-На овој начин ја зголемуваме можноста многу луѓе да ги победат најтешките малигни хематолошки болести и да продолжат со својот живот, напиша Тодевска на својот Истаграм профил.
Националниот регистар на доброволни дарители на коскена срцевина се ажурира на Институтот за имунологија и хумана гентика и сите оние кои сакаат да се запишат во регистарот и да бидат потенцијални дарители на коскена срцевина, можат тоа да го направат со пополнување на согласност и донирање на само една епрувета крв.
Мотото на акцијата која се одвива веќе неколку години по ред преку најразлични акции е: Донирај срцевина- спаси живот. Биди херој, биди срцевина
