Лидерот на талибаните Хибатуллах Ахундзада издал директива со која се забранува поставување прозори во станбените згради кои гледаат на соседни куќи во кои живеат жени.
Оваа наредба, која талибаните наведуваат како мерка за „заштита на приватноста и заштита на жените од потенцијални штетни дејства“, воведува нови, строги ограничувања за сопствениците на недвижности, пренесува телевизијата на арапски јазик AMU.
Според новите правила, лица кои градат куќи не смеат да постават прозори кои гледаат на дворовите или животните простории на соседни објекти во кои има жени.
Во декретот се наведува и дека, ако постојниот објект има прозори кои не се усогласени со новиот пропис, сопственикот е должен да го блокира погледот со подигање ѕид или употреба на соодветни покривки.
Ова значи дека правилата се применуваат ретроактивно и објектите кои се изградиени пред оваа директива мора да бидат модифицирани за да бидат усогласени со новите прописи.
