Долго пред да почне да глуми и пее, во 1950 година, Брижит Бардо се појави на насловната страница на списанието Elle облечена како балерина.
Таа стекна светска слава со филмот „И Бог создаде жена“ од 1956 година, а после тоа, никој не можеше да го запре нејзиниот вртоглав пат кон врвот. Освен што беше икона на екранот, таа беше и икона на стилот.
Таа ги диктираше трендовите и ги менуваше модните трендови засекогаш.
Денес се зема здраво за готово дека ќе одиме на плажа во бикини, но пред неколку децении тоа беше симбол на бунт. Нивната популарност во голема мера се должи на Брижит Бардо, жена која во средината на 20 век го промени начинот на кој светот го гледа женското тело, модата и слободата на изразување.
На Канскиот филмски фестивал во 1953 година, тогаш младата актерка се појави во дводелен костим за капење што предизвика шок, но и воодушевување. Фотографиите од Брижит Бардо во бикини го обиколија светот, а преку ноќ таа стана симбол на нова, послободна жена.
Благодарение на Брижит Бардо, тоа стана моден класик.
А актерката не доминираше само на плажа, за нејзиниот стил и начинот на стилизирање на косата се зборува и денес. Исто така, начинот на кој се шминкаше е сè уште во тренд години подоцна.
Карл Лагерфелд еднаш ја нарече „најголемата модна икона на сите времиња“.
Таа беше препознатлива по нејзините летни фустани со А-изрез кои совршено ја нагласуваат фигурата и ја прават секоја дама да изгледа барем за нијанса попривлечно.
Исто така, многу често можевме да ја видиме со широка лента за коса на главата. Овој додаток е популарен и денес.
И уште нешто што никогаш не излегува од мода, а кое Брижит го носеше, се шишките, таканаречените завесни шишки, кои го истакнуваат најубавиот дел од лицето.
