Според шефот за комуникации на Тајната служба, Антони Гуљелми, агенцијата добила информација за „суицидална личност“ која патувала кон Вашингтон од Индијана. Кога припадниците на Тајната служба забележале лице што одговара на описот, тој извадил огнено оружје, по што настанал вооружен судир.
Лицето било пренесено во болница, но неговата состојба засега е непозната. Од Тајната служба потврдија дека нема повредени меѓу нивниот персонал.
Истрагата за инцидентот ја презеде Одделот за внатрешни работи на полицијата на Вашингтон, кој е надлежен за испитување на вакви случаи во округот Колумбија.
