Медиумите веќе неколку дена шпекулираат за нивната врска, а Вудс сега објави две фотографии на мрежата Х, на кои се гушка со Ванеса.
„Љубовта е во воздухот и животот е подобар со тебе покрај мене. Со нетрпение го очекуваме нашето заедничко патување низ животот“, напиша легендарниот играч на голф, додавајќи дека и двајцата би биле многу благодарни доколку им се дозволи одредена приватност. Меѓу првите луѓе кои му честитаа на новиот пар беше Иванка Трамп, ќерка на претседателот Доналд Трамп.
„Многу сум среќна за вас двајца“, рече Иванка, придружено со бројни емотикони. Вудс (49) и Ванеса (47) се заедно од Денот на благодарноста кон крајот на ноември минатата година, пишуваат медиумите.
Двајцата живеат во Флорида, на околу 20 минути, во богатиот град Палм Бич на југот на полуостровот.
Ванеса Трамп се омажи за најстариот син на Доналд Трамп во 2005 година. Тие останаа во брак 13 години и имаат пет деца.
