Австралискиот пливач Камерон МекЕвој постави нов светски рекорд на 50 метри слободно, соборувајќи резултат стар цели 17 години.
На митингот China Open во Шенжен, 31-годишниот МекЕвој ја исплива најкратката спринтерска дисциплина за 20.88 секунди, што беше доволно за убедлива победа и влез во историјата.
Со овој резултат, тој го подобри за три стотинки претходниот светски рекорд што го држеше Бразилецот Сезар Сиело од 2009 година – период кога сè уште беа дозволени полиуретанските пливачки костими.
МекЕвој, кој е актуелен олимписки шампион и двократен светски првак во оваа дисциплина, уште еднаш ја потврди својата доминација. На трката во Шенжен зад себе ги остави Американецот Џек Алекси со време од 21.57 секунди и сонародникот Кајл Чалмерс со 22.01.
Овој резултат се смета за особено значаен, бидејќи го надминува рекорд поставен во ера кога технологијата имаше значително влијание врз резултатите.
