Емотиконите го променија начинот на кој комуницираме на интернет и претставуваат нова верзија на јазикот, давајќи сликовит приказ на нашите чувства. Тие играат клучна улога во комуникацијата, особено на социјалните мрежи, а 17 јули секоја година се одбележува како Светски ден на емотиконите.
Тие беа креирани на крајот на 1990тите години од јапонскиот артист Шигетака Курита, кој креираше сет од 176 емотикони за да ја направи комуникацијата во виртуелниот свет полесна.
Џереми Бурџ, основачот на „Емоџипедиа“, во 2014 година го предложи 17 јули како денот за прослава на емотиконите, бидејќи емотиконот за календар го прикажувал тој датум.
Емотиконите станаа интегрален дел од нашиот дигитален јазик и ни овозможуваат да ги прикажеме емоциите и чувствата на еден забавен и интересен начин. Според „Кросворд Солвер“, емотиконите за радост и црвеното срце се најкористени низ светот.
Трите најкористени емотикони изминатата година се:
Емотиконот „Солзи од среќа“
Овој емотикон прикажува некој кој се смее толку многу што му течат солзи по образите. Овој емотикон се користи за да се истакне дека нешто е многу смешно.
Црвеното срце
Црвеното срце претставува љубов, допаѓање или благодарност. Се користи како основен емотикон на многу социјални мрежи.
Насмеана фаца со срциња наместо очи
Овој емотикон претставува жолта фаца со отворена насмевка и срциња наместо очи. Се користи за да се изрази љубов, занес и обожавање.
