По постигнувањето на привремено примирје во конфликтот со Иран, повторно се отворени светите локации во Стариот град на Ерусалим, а верниците веќе започнаа со молитви.
Рано утринава започна повторниот пристап до светите места во Ерусалим, откако беше укината забраната воведена за време на безбедносната криза. Џамијата Ал Акса повторно е отворена, соопшти верската управа која управува со комплексот, а верниците веднаш се вратија на молитва.
Израелската полиција најави дека ги укинува сите претходни ограничувања за пристап до светите локации, но истовремено ќе го засили присуството на безбедносните сили и волонтери во градот, со цел да се одржи стабилност и ред.
Во изминатите шест недели, пристапот до овие места беше строго ограничен или целосно забранет поради зголемени безбедносни ризици и закани од ракетни напади. Овие мерки имаа значително влијание врз верските активности и одбележувањето на мааните празници.
Меѓу повторно достапните локации се Западниот ѕид и Црквата на Светиот гроб, кои имаат особено значење за евреите, христијаните и муслиманите.
Отворањето доаѓа во период кога се очекува зголемена посетеност на верниците, што дополнително ја нагласува важноста на стабилноста во градот.
