“Суперхикс” македонската ска-панк група со реге, латино, џез, свинг и балкански музички влијанија, денес слават полни 30 години постоење на нашата музичка сцена.
Првиот настап на бендот бил во клубот Доорс, скопско Дебар Маало на 03.03.1994 година од кога бендот активно работи, без поголеми паузи и до сега зад себе има шест студиски албуми и десетици турнеи во над 18 земји меѓу кои Италија, Швајцарија, Чешка, Словачка, Франција, Унгарија, Романија. Имаат настапувано со светски реномирани музички артисти како: Many Chao & Radio Bemba Sound System, House of Pain, Tito & Tarantula,Bad Religion, Henry Rollins, Green Day, Faith No More,Morcheeba, Moloko, Kosheen, The Hives, Rico Rodriguez, Fishbone, 30 Seconds to Mars, Gogoll Bordello, Flogging Molly… Од регионалните и домашните музичари звиреле со Мизар, Ласт Експедишн, Санаториум, Смат, Дени те Чува, Стринг Форсис, Фолтин, Конкеринг Лајон, KUD IDIJOTI, Атеист Рап, Hladno Pivo, Partibrejkers, The Jinx, Rambo Amadeus, Električni Orgazam, TBF, Elvis Jackson, Pridigarji, WICKEDA, Popa Sapca, Dino Merlin, Звонко Богдан, Шабан Бајрамовиќ, Кочани Оркестра, Серчук Оркестра, Гоце Арнаудов, Ферус Мустафов, Благица Павловска….
Бендот на почетокот го сочинуваа: Зоран Жежов-Кечо, Боули, Живко Шулинчевски, Лазар Дарковски, Коста Велков, Ивица Ивановски – Папак, Горан Папаз, Симе Златков, Стефан Алексовски – Цефо, Пере Мелов,Славе Спировски, Петар Колевскии Димитар Тодоровски- Диме Труба. Денес тука се Петар Младеновски, Борис Минов, Дарко Попов, Александар Спасовски – Жути, Бранко Илиевски, Гоце Лалковски и Валентин Видовиќ.
Следниот голем проект на овој бенд ќе биде кон средината на јуни оваа година во Скопје на “опен еир” локација. Најавуваа и изработка на документарец за првите 30 години од постоењето, изложба на плакати и фотографии од турнеи и настапи низ годините, акустик сесија, промоција на новиот албум на платформи,подоцна и на винил, како спот за најновата соработка со Фолтинци.
Среќен роденден дечки. Уште многу настапи и албуми.
