Ситуацијата дополнително се заострува со меѓусебните обвинувања меѓу претседателот Доналд Трамп и гувернерот на Калифорнија, Гевин Њусом.
Градоначалничката на Лос Анџелес, Карен Бас, прогласи ноќен полициски час во дел од градот, додека Трамп распореди 4.000 припадници на Националната гарда и 700 маринци, против волјата на локалните власти. Њусом одговори со тужба до федералната администрација, обвинувајќи ја за нарушување на државниот суверенитет.
Федералните обвинители покренаа обвиненија против двајца мажи за употреба на молотови коктели врз полицијата за време на протестите во Лос Анџелес. Истовремено, во Њујорк беа уапсени 86 лица за време на масовните демонстрации пред зградата на ICE. Дел од уапсените се обвинети за напад, отпор при апсење и попречување на владини служби. Протестите кулминираа со фрлање предмети врз полицијата, по што беа активирани дополнителни сили и употребен солзавец.
Во Атланта, главниот обвинител на Џорџија предупреди дека секој кој ќе се вклучи во насилни дејствија ќе се соочи со обвиненија за домашен тероризам.
Претседателот Трамп, пак, го обвини Њусом дека не успеал да ги заштити федералните агенти и ги нарече демонстрантите „бунтовници и агитатори“, продлабочувајќи ги политичките поделби во екот на протестното движење што се шири низ повеќе американски градови.
Извор: ABCNews
