Студентите во блокада, со пораката „Вечерва пукате по шавовите“, најавија дека повторно излегуваат на улиците вечерва во 19:30 часот.
„Вечерва пукате по шавовите“, напишаа тие на својот профил на Инстаграм, додавајќи дека повеќе информации ќе бидат објавени наскоро.
Во еден од коментарите, студентите од ФОН во блокада повикаа сите да излезат на улица.
За потсетување, вчера на 13 август, во околу 30 градови и места во Србија беа организирани протести под мотото „Србијо, разбуди се“, на повик на студентите во блокада.
Најголеми немири и судири меѓу демонстрантите и полицијата се случија во Белград и Нови Сад, во близина и во просториите на владејачката Српска напредна партија (СНС).
Во инцидентите, кои траеа до доцна во ноќта, за првпат учествуваа и припадници на Војската на Србија, меѓу кои и неколку членови на специјалната единица „Кобри“.
